1. |
Te Kaahu O Rangi
00:35
|
|||
E rere te kaahu ki toona piringa
Te tikitiki o rangi
He tupua, he taniwha ē
E rere te kaahu ki runga o Taupiri
Te mauri o te iwi
Paa whakawairua ē
Waikato taniwha rau
He piko he taniwha
He piko he taniwha ē i
|
||||
2. |
E Hine Ē
03:01
|
|||
E hine ē
Toou rerehua nei
Oou makawe
Me he awa tere
Tangi ana koe
Haumaarotoroto
Ki oo paapaaringa
Maaku e tiaki
E hine ē
E kore e mimiti
Te puna aroha
Koropuupuu ake
Puumau tonu koe
Karekare te tai
He toka-tuu-moana
Taku taupuhi
E hine ē
E hine ē
|
||||
3. |
Rangirara
02:49
|
|||
Rangirara auee
Naa te Mahuru ko koe
Rangipōpō-i-runga
Wheoro mai anoo
Heke iho ana oou roimata
Kua too te raa
Hiinaatore mai
Maaku ngaa whetuu e āmene maau
Kei tua koe ki ngaa rangi tuuhaahaa
Okioki moo ake tonu
|
||||
4. |
E Taku Huia Kaimanawa
03:16
|
|||
Kei whea raa koe e te tau?
Mokemoke nei ahau
Hotu ana te ngaakau
E kore e warewaretia
Tukuna atu koe kia rerea
Ki tua o te aarai Noho ki te poo
Tiakina mai hei korowai
Whakairotia ahau ki too aroha
Tiwhatiwha te poo
tiwhatiwha te ao
He hononga tangata e kore e motu
Hoki mai raa e taku huia kaimanawa E hoki mai raa taku huia kaimanawa
Kei konei tonu ahau
E apakura ana moou auee
E kore e warewaretia
Tukuna atu koe kia rerea
Ki tua o te aarai Noho ki te poo
Tiakina mai hei korowai
Whakairotia ahau ki too aroha
Tiwhatiwha te poo, tiwhatiwha te ao
He hononga tangata e kore e motu
E taku huia kaimanawa E hoki mai raa auee
|
||||
5. |
Hi Hiimene
02:18
|
|||
Tiakina ahau
I roto i te poo
Hunaia au e ngoo parirau
Teenei au
Whakauungia mai i toou rangi tapu
Auee auee
Kua uwhia mai e koe
Ngoou manaakitanga o te pai
Auee ngoou manaakitanga o te pai
|
||||
6. |
Waikato
02:32
|
|||
Waikato, auee, teenei ahau too mokopuna
Kia purea mai anoo e ngoou waiaroha
Tooku awa koiora me ngoou pikonga he kura tangihia o te maataamuri
E rere Waikato, e tooku whaea
Waikato ko koe hei manawa moo toou iwi
E kore e wehea koe he mauri tuutahi ē
Waikato horopounamu auē
Waikato toimaha rau
E rere ē, tooku whaea ē, tooku tupuna - auee toou mana
Te awa e rere iho nei
He wai oranga
Kaumaatua ake maatou i ngoou wai manaaki
E rere, e kato koe, aake ake, tooku Waikato
|
||||
7. |
Pai Maarire
02:13
|
|||
Te Ua - Pai Maarire!
Ki a koe, aa, ki too Ua Rongopai
I torona mai toou ringa
I kii mai koe
Ko te ara o te hunga kino e ngaro
Kia kore ai raatou
Ka marino anoo te tai
Whakaorangia mai maatou i ngaa tauiwi
Kia toa ai
Ka puta mai ki a koe te anahera a Ihowa
Hau te korooria
Hau te korooria
Rire rire hau
|
||||
8. |
Taupiri
01:57
|
|||
He rangimaarie i ngaa waa
Katoa koe e taku maunga tapu
Auee Taupiri ē
Taupiri toou tapu ē
Naau anoo ngooku tuupuna i whaangai, i tohu
Taenoa ki teenei raa
Taenoa ki teenei raa
Taupiri he whakaruruhau
Moo goo tuuhanga
Tuurangawaewae moo Waikato
|
||||
9. |
He Maimai Aroha
00:45
|
|||
Auee tooku kaahu
He maimai aroha
Mooku, moo ngoo whakahekenga
Rere ana aake ake
|
TE KAAHU Auckland, New Zealand
TE KAAHU honours the craft and skill of Māori songwriting and storytelling and is the brainchild of critically acclaimed
Aotearoa singer and songwriter Theia (Waikato-Tainui, Ngaati Tiipa).
Theia is a fierce proponent of the revitalisation of Māori language and culture, and through TE KAAHU she pays tribute to her tūpuna wāhine (female ancestors).
... more
Streaming and Download help
If you like TE KAAHU, you may also like:
Bandcamp Daily your guide to the world of Bandcamp